Thamilselvan Subramaniam

மாத கடைசி!

6/30/2015 03:16:00 PM

5 ஆயிரம் சம்பளம் ஆனாலும் சரி .
50 ஆயிரம் சம்பளம் ஆனாலும் சரி
மாத கடைசி என்றால் மாத்திரை விழுங்க பயப்படும் குழந்தை போல தான் நாம்!!

மளிகை, வீட்டு வாடகை, வாங்கிய கடனுக்கு வட்டி என எல்லாம் போக மாதத்தின்
முதல் வாரம் மட்டுமே கையில் பணமிருக்கும்
மற்ற மூன்று வாரமும் எதையும் தாங்கும் மனமிருக்கும்.
கையேந்தி பவனும் கடவுளாய் தெரியும்
என்றோ காணமல் போன சில்லரை அருமை அன்று புரியும்
கடவுள் பக்தி அதிகம் இல்லை ஆனாலும் வெள்ளி,சனி,திங்கள் என ஒரு வாரத்தில்
பல ஒரு பொழுதுகள் இருக்கும்
மாத கடைசி
பிறந்த நாள் கூட பிடிக்கவில்லை மாத கடைசியில் வருவதால்!
நண்பனின் திருமணத்திற்க்கு அழைப்பு இருந்தும் போகவில்லை
வெறும் கை வலி தருவதால்!!
பசித்த வயிற்றை
சில நேரத்தில் தேநீரும் பல நேரத்தில் தண்ணிரும் நிரப்பும்
பிடிக்கவில்லை என்றாலும் வீட்டுசமையலில் ரசமே அதிகம் இருக்கும்
மாத கடைசி
வீட்டில் முதலில் காபியில் சர்க்கரை அளவு குறையும்!
பின் காபியின் அளவு குறையும்
மாத கடைசி
மாத கடைசியில்
விலை கேட்டு விட்டு
அடுத்த மாதம் வாங்கி கொள்ளலாம் என விட்டு வந்த
ஆசை பட்ட அந்த சட்டையை வழியில் யோரோ அணிந்து செல்லும் போதுதான் வலியின்
ஆழம் தெரிகிறது
இல்லை என்று சொல்லமாட்டான் என நம்பி கடன் கேட்கும் நண்பனிடம் எப்படி நான்
சொல்வேன் மாத கடைசி என்று
மாலை நேரத்தில் அப்பா எதையாவது வாங்கி வருவார் என வாசலில் ஏங்கி
காத்திருக்கும் என் பிள்ளையிடம் எப்படி சொல்வேன் மாத கடைசி என்று.
அம்மா ஆசைபட்ட புடவையும தங்கை கேட்ட கைபேசியும் வழக்கம் போலவே அடுத்த
மாதத்திற்க்கு இலக்கு நகர்ந்தது
மாத கடைசி
இறைவா ஆடம்பர வாழக்கை வேண்டாம்!
அடுக்குமாடி குடியிருப்பு வேண்டாம்!
ஆடியும்,BMWயும் வேண்டாம்
உழைப்புக்கு ஏற்ற பிழைப்பு கொடு!
மாத கடைசியில் யாரிடம் உதவி கேட்காமல் உதவி செய்யும் அளவுக்கு உயர்வை கொடு..

விக்னேஷ் .சேகர்.

Attitude, Social, Social Media

Attitude Matters...!

6/30/2015 08:06:00 AM

ஒவ்வொருநாளின் முதல் அரைமணி நேரத்தில் நம் எண்ண ஓட்டத்தை நாம் எவ்வாறு அமைத்துக்கொள்கின்றோமோ, அந்தநாளில் நம் செயல்பாடு அவ்வாறே அமைகின்றது. ஒரு நாள் வெற்றிகரமானதாகவோ அல்லது இன்னும் ஒரு சாதாரணமான நாளாகவோ இருப்பது என்பது நம் அணுகுமுறையைப் பொறுத்தது.

வாழ்வில் நல்ல மாற்றத்தை ஏற்படுத்த விரும்புபவர்கள் அடுத்த 90 நாட்களுக்கான இலக்குகளை நிர்ணயித்து அதனை சிறிய சிறிய பகுதிகளாகப் பிரித்து ஒவ்வொருநாளின் துவக்கத்தில் அன்றைய இலக்கினையும், அந்த நாளின் முடிவில் அன்றைய நாளின் செயல்பாடுகளையும் தொடர்ந்து ஆராய்ந்து எங்கே தவறு செய்கின்றோம் என்று அறிந்து, அதனை சரி செய்தால் வெற்றிக்கான இலக்கின் பாதையில் விரைவாக பயணம் செய்யலாம்.

சிறிய சிறிய இலக்குகளில் நாம் வெற்றி பெறுவது நம் தனன்பிக்கையை அதிகரிக்கச்செய்யும். 90 நாட்களில் நமது எண்ணங்கள் செயல்களாக மாறி, செயல்கள் வெற்றிகரமானதாக அமைவதோடு அடுத்த இலக்கினையும் நிர்ணயித்திருப்போம்.. வெற்றி என்பது தொடர்கதையாக அமையும். அதை ரசிக்கத் தயாராவோம் நண்பர்களே....!