Thamilselvan Subramaniam

எது வலிமையான மாற்று ....

4/20/2014 06:08:00 PM

ஜெயா, அதிருப்தி தே.மு.தி.க சட்டமன்ற உறுப்பினர்களை அ.தி.மு.க விற்கு ஓட்டுப்போடவைத்து கனிமொழியை மாநிலங்களவை உறுப்பினராக அனுமதித்ததிலிருந்தே இவர்கள், அ.தி.மு.க மற்றும் தி.மு.க வுக்கு மாற்றாக மூன்றாவது சக்தி வளர்வதைத் தடுப்பதில் எவ்வளவு ஒற்றுமையாக உள்ளார்கள் என்பது விளங்கும். இதில் தி.மு.க வை அழிப்பதுதான் தங்களது முதல் கடமைபோல பீத்தல் வேறு...தி.மு.க வும் ஏதோ சட்டசபை தேர்தல் போல ஜெயா ஆட்சியின் அவலங்கள் பாரீர் என்று அலப்பரை வேறு .மக்களின் பார்வையை தேசியத்திலிருந்து திசை திருப்புகிறார்களாம். மக்கள் சட்டசபைத் தேர்தலுக்கும் நாடாளுமன்றத் தேர்தலுக்குமான வித்தியாசத்தை நன்கு உணர்ந்துள்ளார்கள். ராகவன் ஜி சொன்னதுபோல் மக்கள், பிரச்சனைகளுக்கான தீர்வை தருபவர்களை எதிர்பார்க்கிறார்கள் நாடளுமன்றத்தில் வெற்றுக் கோசம்போடுபவர்களையோ கடிதம் எழுதுபவர்களையோ அல்ல. இந்த முறை தங்களுக்கு கிடைத்த அறிய வாய்ப்பை மக்கள் நிச்சயம் பயன்படுதிக்கொள்வார்கள்... தாங்களே ஒருவருக்கொருவர் மாற்று என்ற இவர்களது மாயையான தோற்றம் இம்முறை முறியடிக்கப்படும் கடந்த டெல்லி சட்டசபை தேர்தலில் 4 முதல் 7 இடம்வரையே கைப்பற்றும் என்று கணிக்கப்பட்ட ஆம் ஆத்மி இரண்டாவது சக்தியாக உருவெடுத்ததுபோல் இம்முறை தேசிய ஜனநாயக கூட்டணி தமிழகத்தில் மாபெரும் சக்தியாக மாறும். ஆனால் கேஜ்ரிவாலைப் போல் பொறுப்பிலிருந்து பா.ஜ.க கூட்டணி ஓடிவிடாது..

Thanks
Thamilselvan Subramaniam
20.04.2014

தலிவரே இந்த பொங்கலை 2016 சட்டசபை தேர்தல்ல வச்சுக்கலாம்.....!

4/20/2014 01:25:00 PM

வெறுப்பு அரசியலும் போலி மதச்சார்பின்மையும்.....

4/20/2014 12:10:00 PM

அது 1998 ஆம் ஆண்டு. வாக்களிக்கும் தகுதி பெற்ற அந்த ஆண்டு, நானும் என் சகோதரரும் விவாதித்து பா.ஜ.க வில் எங்களை இணைத்துக்கொண்டோம் என்றாலும் நான் தீவிர களப்பணியில் ஈடுபடவில்லை.அரசியல் குறித்த என் நிலைபாட்டினை என் நெருங்கிய உறவினர்கள் மற்றும் நண்பர்கள் தவிர்த்து மற்றவர்களிடம் அதிகம் வெளிப்படுத்தியதும் இல்லை. கட்சியில் உறுப்பினராக 15 ஆண்டுகளாக இருந்தாலும் வெறும் பார்வையாளராகவே இதுவரை இருந்துள்ளேன். என்று களப்பணிக்கு செல்கின்றேனோ அன்று மக்களிடையேயும் என் அனைத்து தொடர்புகளிடையேயும் விரிவான தொலைநோக்கு பிரசாரம் செய்ய வேண்டும் என்று எண்ணி இருந்தேன்.
ஆனால் இந்த தேர்தல் அறிவிப்புக்கு பின்னர் நடைபெறும் விவாதங்களிலும், செய்யப்படும் பரப்புரைகளிலும் நடுநிலை இலக்கியவாதிகள் (?) எழுத்தாளர்கள் மற்றும் மதச்சார்பற்றவர்கள் என்று தங்களை அழைத்துக்கொள்ளும் ஒரு கூட்டதின் கருத்துக்கள் மற்றும் அவர்கள் முன்வைக்கும் வாதங்கள் இந்த தேசத்தை நிரந்தர வெறுப்பு அரசியலை நோக்கி இட்டுச்செல்லும். அவர்களின் எண்ணம் நிறைவேற அனுமதிக்ககூடாதது மட்டும் அல்ல அத்தகைய சக்திகளின் முகத்திரையை கிழித்து முற்றிலும் அவர்களை நாம் புறக்கணிக்க வேண்டும். ஏன் ? எதற்காக ? என்பவனவற்றை எனது அடுத்தடுத்த பதிவுகளில் விரிவாக நானறிந்தவரையில் எழுத உள்ளேன். உங்களது ஆரோக்கியமான விவாதங்கள் வரவேற்கப்படுகின்றன.
நன்றி
Thamilselvan Subramaniam

தேர்தல் களம் - 2014

4/20/2014 11:23:00 AM

தேர்தல் அறிவிப்புக்கு பிறகு நடந்த தொலைக்காட்சி விவாதமேடைகளில் நாம் வளர்ச்சி பற்றி பேசுகையில் காங்கிரஸ், தி.மு.க, அ.தி.மு.க, கம்யூனிஸ்ட் போன்ற கட்சிகள் பா.ஜ.க வை தீண்டத்தகாத கட்சியாகவும் ஒருமணி நேர விவாதத்தில் 50 முறையாவது மதவாதம் என குறிப்பிட்டு பேசினார்கள். கோபண்ணா போன்றவர்கள் 5 நிமிடத்துக்கு 50 முறை மதவாத கட்சி என்று பேசினார்கள். அவர்களது இந்த வாதம் மக்களிடம் எடுபடவில்லை என்பதை உணர்ந்து இப்பொழுது வளர்ச்சி பற்றி ஒப்பீடு செய்ய ஆரம்பித்துள்ளார்கள். அவர்களது வழக்கமான, ஒருவன் இந்துவாக இருந்தாலோ, இந்து இயக்கங்களில் இருந்தாலோ அவர்கள் மதவாதிகள். சிறுபான்மையினர், குறிப்பாக முஸ்லிம் இயக்கங்களை உடன் வைத்துக்கொண்டால் அவர்கள் மதசார்பற்றவர்கள் என்ற நாடகம் இந்தமுறை எடுபடவில்லை. மாறாக அவர்களின் வெறுப்பு அரசியலை மக்கள் நன்கு புரிந்து கொண்டார்கள். அவர்கள் மக்களுக்கு செய்த நன்மைகள் மற்றும் தொலைநோக்கு திட்டங்களை முன்வைக்காமல் பா.ஜ.க குறித்த அச்சத்தை மக்களுக்கு ஏற்படுத்தி அதன்மூலம் மக்களிடையே பிரிவினையை ஏற்படுத்தி வெற்றிபெறும் அவர்களது எண்ணம் இந்த முறை நிறைவேறாது....!

Thamilselvan Subramaniam
20.04.2014

ஐந்து லட்சம் கோடிக் கடனும், ஆறுச்சாமியின் குடிசை வீடும்

3/25/2014 07:35:00 PM

பிரபலமான தேசிய வங்கியின் மூத்தவழக்கறிஞரிடம் இருந்து அந்த நோட்டீஸ் அனுப்பப்பட்டு இருந்தது. பழனிவட்டம், நெய்காரப்பட்டி கிராமம், அக்கமநாயக் கன்புதூர், மேற்குத்தெரு, கதவு எண் 12ல்குடியிருக்கும், மாரியப்பன் மகன் ஆறுச் சாமி என்பவரை, 1 லக்கமிட்டவராக காட்டியும், அவரது மகள் ராஜாத்தியை 2 லக்கமிட்டவராகவும் காட்டி நோட்டீஸ் அனுப்பப்பட் டிருந்தது.நெய்காரபட்டி கிளை போஸ்டாபீஸி லிருந்து மேற்குநோக்கி கொழுமம் மெயின் ரோட்டில் அந்த வயதான போஸ்ட்மேன் பய ணித்தார். அவர் பயணித்த சைக்கிளும் அவரது வயதையொத்தது என்பதால் ஒருவித கிரீச் ஒலியை வலிதாளமுடியாமல் விட்டுவிட்டு வெளிப்படுத்திக் கொண்டிருந்தது.

அது போஸ்ட்மேனின் வலியையும் சேர்த்து உணர்த்துவதாக இருந்தது. கொளுத்தும் வெயிலும், தார் ரோடும் எளிய மனிதர்களை வறுத்தெடுப்பதற்கு இணக்கமாக இருந்தது. மெயின்ரோட்டிலிருந்து தெற்குப் பக்கம் பிரிந்து உள்ளே செல்லும் மெட்டல் ரோட்டில் ஒரு கிலோ மீட்டர் தூரம் கடந்த பிறகு அக்கமநாயக்கன்புதூர், தட்டோட்டுக் கூரையுடன் கூடிய காரை உதிர்ந்த செம்மண் சுவர் வீடு களுடன் பரிதாபமாக வரவேற்றது. ஊருக்கு கடைசியில் உள்ள மேற்குத் தெருவைச் சென்று அடைவதற்குள் போஸ்ட்மேனுக்கு நாக்கு தள்ளிவிட்டது.போஸ்ட்மேனிடம் கைநாட்டுப் போட்டு, தபாலை பெற்றுக் கொண்ட ஆறுச்சாமி அதை அதிசயப் பொருளை பார்ப்பது போல முன்னும் பின்னும் பார்த்துக் கொண்டிருந்தார்.

படிக்கத் தெரிந்த மகள் ராஜாத்தி வேலை தேடி பக்கத்து நகருக்குப் போயிருந்தாள். போஸ்ட் மேனைப் படிக்கச் சொல்லி கேட்கலாம் என நினைத்தபொழுது, போஸ்ட்மேன் மேற்குத் தெருவை கடந்து சென்றுவிட்டார் என்பதை அவரது சைக்கிள் கிரீச் ஒலி மூலம் சேதி சொன்னது.ஊர்ச்சாவடியில் ஒருவாரத் தாடியைச் சொறிந்து கொண்டு இருந்த ஓய்வுபெற்ற வாத் தியார் சண்முகம், கவரைப் பக்குவமாய் பிரித்து உள்ளே இருந்த நோட்டீஸைப் பதனமாக வெளியில் எடுத்தார். கொஞ்ச நேரம் பொழுது போவதற்கு ஒரு ஆள் கிடைத்தான் என்ற சந்தோஷத்தில் அகமகிழ்ந்த சண்முகம் வாத்தியார், ஆறுச்சாமியை அருகே உட்காரச் சொல்லி பணித்தார். அதற்குப் பிறகு வாத் தியார் சாவதானமாக ராகமிழுத்துப் படித்த நோட்டிஸ் விபரம் பின்வருமாறு:

தாங்கள் எமது கட்சிக்காரர் வங்கியிடம் இருவரும் சேர்ந்து கல்விக்கடன் கேட்டு மனுச்செய்ததில் (இந்த இடத்தில் வாத்தியார் வாசிப்பதை நிறுத்தி “ஒம்பொண்ணோட சேந்து நீயுமா படிக்க கடன் வாங்குன?” என கேட்டார். அதற்கு பதற்றத்துடன் இருந்த ஆறுச்சாமி ஆமாம் என்றும், இல்லை என்றும் மேலும் கீழுமாகவும், பக்கவாட் டிலும் தலையை வேகமாக ஆட்டி தீட்சண்ய மாக பதில் அளித்ததில் வாத்தியார் பயந்து போனார்) மேற்படி மனுவும் கடன் எண் 2325ல் அங்கீகாரம் பெற்று தாங்கள் 07.12.06ம் தேதியில் கடன் தொகையாக ரூ.1,10,000/ம் பெற்றுக்கொண்டு அதற்கு ஆதரவாக கொதுவை ஒப்பந்தமும் கடன் பத்திரங்களும் வேறு சில ஆதரவுகளும் வங்கிக்கு எழுதிக் கொடுத்துள்ளீர். மேற்படி கடனுக்கு 12 சதவீதம் வட்டி செலுத்தவும் ஒப்புக் கொண் டுள்ளீர். மேற்படி கடன்தொகையை உரிய கெடுவிற்குள் செலுத்துவதாகவும் ஒப்புக் கொண்டுள்ளீர்.

மேற்படி கடன் தொகையை அடைந்து கொண்டு வங்கிக்கு செலுத்த வேண்டிய தொகைகளை சரிவர செலுத்தாமல் இருந்து வருகிறீர்கள். அதனால் உமது கணக்கை ஆதாயம் தராத கணக்கு என்றும், ஒழுங்கற்ற கணக்கு என்றும் கருத்தில் கொள்ளப்பட்டது. சரியான முறையிலும், ஒழுங்கான முறையிலும் வைத்திருக்கும் வங்கியின் கணக்குப்படி 31.09.2013ம் தேதி வரை தாங்கள், ரூ.2,13,196ஐ செலுத்த வேண்டியுள்ளது. தாங்கள் இருவரும் சேர்ந்து மேற்படி கடன் தொகையை செலுத்த வேண்டும். ஒப்புக் கொண்டபடி தவணைத் தொகைகளை வங்கிக்கு செலுத்தவில்லை. கல்விக்கடனின் பயனை அடைந்து கொண்டு அதனைத் திருப்பி வங்கிக்கு செலுத்தாமல் இருப்பது சரியல்ல. 1.10.2013 முதல் பின்வட்டியும், பின் செலவும் செலுத்த வேண்டும்.ஆகையால், இந்த அறிவிப்பு பார்த்தஒருவார காலத்திற்குள் மேற்படி பாக்கித் தொகை ரூ.2,13,196ம் வட்டியும், 1.10.2013 முதல்பின்வட்டியும் இந்த அறிவிப்புச் செலவு ரூ.600ம் சேர்த்து வங்கியில் செலுத்தி, தக்கரசீது பெற்றுக் கொள்ள வேண்டியது.

தவறினால் தங்கள் மீது சட்டப்பூர்வமான கோர்ட்நடவடிக்கை எடுத்து உடன் ஜப்தி, வாரண்டு போன்ற உத்தரவுகள் பெறப்படும் என்றும், அதனால் எமது கட்சிக்காரர் வங்கிக்கு ஏற்படும் அனைத்து செலவு நஷ்டங் களுக்கும் தாங்களே பொறுப்பு என்றும் இதன் மூலம் கண்டிப்பாக அறிவிக்கலாயிற்று - வழக்கறிஞர்.அடுத்த நாள் காலை 11 மணியளவில் ஆறுச்சாமியும், மகள் ராஜாத்தியும் வங்கி மேலாளரின் முன்பு நின்று இருந்தனர். குளிரூட்டப்பட்ட சொகுசு அறையின் சுழல் நாற்காலியில் ஜாக்சன் துறையைப் போலமேலாளர் வீற்றிருந்தார். ஆனால், ஆறுச்சாமி கட்டபொம்மனைப் போல இல்லாமல், நடுங்கும் கைகளை மறைக்கப் படாத பாடுபட்டுக் கொண்டிருந்தார். இறுதியாக மேலாளர், “படிக்க வாங்கின கடனை வட்டியோட சேத்துக் கட்டலைன்னா இருக் குற குடிசை வீட்ட ஏலத்துக்கு கொண்டு வந்துடுவோம், வாரண்டுல ஒன்னையும் கைதுபண்ணி உள்ள வச்சிடுவோம்“ என மிரட்டி னார்.

கதிகலங்கிப் போன ஆறுச்சாமியைக் கைத்தாங்கலாய் ராஜாத்தி அழைத்து வந்தாள். வங்கியின் வாசலில் வைத்திருந்த தட்டியில், ஆறுச்சாமி மற்றும் ராஜாத்தியின் புகைப்படங்கள் கடன் செலுத்தாதவர்கள் வரிசையில் ஒட்டப்பட்டிருந்தது. அதை ஆறுச்சாமியின் கண்களில் படாமல் ராஜாத்தி அழைத்துச் சென்ற பொழுது அவமானத்தால், அவள் பாதம்பட்ட பூமி நலுவுவது போலிருந்தது.மறுநாள் காலை செய்தித்தாளில் இந்திய வங்கி ஊழியர்கள் சங்கம், டிசம்பரில் நடத்த இருக்கும் ஒரு நாள் வேலை நிறுத்தம் குறித்த செய்தி வந்திருந்தது. மேற்படி செய்தியின் சுருக்கம் பின்வருமாறு:தேசியமயமாக்கப்பட்ட வங்கிகளில் கார்ப்பரேட் கம்பெனிகளிடமிருந்து வசூலிக்க வேண்டிய வாராக்கடன் கடந்த மார்ச் கணக் குப்படி ரூ.1,64,461/- கோடிகளாகவும், 2007-2013க்கு இடைப்பட்ட காலத்தில் வாராக்கடன் ரூ.5லட்சம் கோடிகளாகவும் அதிகரித் துள்ள நிலையில், கடன் வசூலுக்கு எந்த நடவடிக்கையும் எடுக்காமல் மன்மோகன் சிங் தலைமையில் ஆளும் மத்திய அரசு மேலும், மேலும் கடன் தள்ளுபடி செய்வதை கண்டித்து ஒரு நாள் வேலைநிறுத்தம் நடை பெறுகிறது.

ஊர்ச்சாவடித் திண்ணையில் உட்கார்ந்து கொண்டு உரக்க செய்தியைப் படித்த சண்முகம் வாத்தியாரை, அடுத்த பக்கத்தில் வந்திருந்த மற்றொரு செய்தி மௌனமாக சிந்திக்க வைத்தது. அது வேறொன்றும் இல்லை, ஒரு வருடத்தில் இந்திய வங்கிகள் 1,20,000 மாணவர்களுக்கு வழங்கிய கல்விக்கடனின் மதிப்பு வெறும் ரூ.900/- கோடி, ஆனால், வங்கிகள் மாணவர்கள் கல்விக்கடன் கட்டத் தவணை தவறினால், கைது, ஜப்தி, திருட்டுக் குற்றவாளிகளின் போட்டோவைப் போட்டு காவல்நிலைய தட்டி போர்டு வைப்பது போல மாணவர்கள் மற்றும் பெற்றோர்களின் போட்டோ போட்டு வங்கி வாசலில் டிஜிட்டல் போர்டு வைப்பது போன்ற கடும் நடவடிக்கைகளை எடுத்து வருகிறதாம்.

செய்தித்தாளில் முகம் புதைத்திருந்த சண்முகம் வாத்தியார் வெகுநேரம் கழித்தே எதிரில் நிற்கும் ஆறுச்சாமியைக் கவனித்தார். ஆறுச்சாமியின் வலதுபக்க கை கக்கத்தில் மஞ்சள் பை இருந்தது. “பேங்குல என்னப்பா சொன்னாங்க?” என வாத்தியார் கேட்டார். அதற்கு ஆறுச்சாமி “அதெல்லாம் கெடக்கட்டுங்கய்யா, முப்பாட்டன் காலத்துல இருந்து இருக்கற ஒத்தவீடு அதவித்துக் கடனை அடைக்க ஒரு வழி சொல்லுங்கய்யா” என கக்கத்தில் இருந்து மஞ்சள் பையை பவ்யமாக எடுத்துக் கொடுத்தார். அதை வாங்கிப் பார்த்த பொழுது மஞ்சள் பைக்குள் மனைவரித் தோராய பட்டாவும், ஊராட்சிக்கு செலுத்திய சில வீட்டுவரி ரசீதுகளும் இருந்தன.

ஆறுச்சாமியை வினோதமாகப் பார்த்த வாத்தியாரிடம், “மனுசனுக்கு மானம் தான் பெரிசுங்க வாத்தியாரய்யா, நானு, எங்கப்பன், பாட்டன், முப்பாட்டன்னு நாங்க யாருமே படிச்சது இல்லய்யா, ஆனா ஒண்ட ஒரு குடிசை இருந்துச்சு, அரசாங்கம் சொல்லுச்சுன்னு பேங்குல கடன் வாங்கி எம்புள்ளைய படிக்க வச்சது தான் இப்ப குத்தமாப் போச்சு, இருந்த ஒரு குடிசையும் இப்ப கையவிட்டுப் போகுது. கடன் கட்டலைன்னா கைது பண்ணி உள்ள வச்சுருவாங்களாம் அதுக்கப்பறம் இந்த உசுர வச்சுகிட்டு இருக்கிறதுல அர்த்தம் இல்லங்கய்யா ஆன ஒன்னுங்கய்யா, இனி சென்ம சென்மத்துக்கும் மழைக்குக் கூட என் வகையறாப் புள்ளைங்க பள்ளிக்கூடம் பக்கம் ஒதுங்காதுய்யா” என ஆறுச்சாமி தீர்மானகரமாகச் சொன்னான். அந்த எளிய மனிதனின் குரலை எங்கே போய்ச் சொல்லுவது என சண்முகம் வாத்தியார் திகைப்பில் ஆழ்ந்து போனார்.
Thanks
வரத.இராஜமாணிக்கம்

நாடி ஜோதிடம் உண்மைதானா..! (பாகம் 01).

3/25/2014 07:14:00 PM

ஜோதிடம் நமக்குத் தெரியும், அது என்ன நாடிஜோதிடம்?…

பொதுவாக, ‘நாடி ஜோதிடம்’ என்பதற்கு, நாடி ஜோதிட நிலையத்திற்கு நாடி வருபவர்களுடைய ஒலையினைத் தேடி எடுத்து, அவரவர்களுக்குரிய பலாபலன்களைக் கூறுவது என்பது பொருள். அதாவது நாடி ஜோதிடம் பார்க்க விரும்பும் ஒருவரது கைப் பெருவிரல் ரேகையினைக் கொண்டு, அவருக்கான சுவடியைத் தேடி எடுத்து அதன்மூலம் எதிர்கால வாழ்க்கையினைப் பற்றிக் கூறுவதே ‘நாடி ஜோதிடம்’ எனப்படுகிறது . ஒரு மனிதனின் (ஆண் என்றால் வலது கைப்பெரு விரல். பெண்ணாக இருப்பின் இடது கைப்பெரு விரல்) ரேகையினைக் கொண்டு பழங்கால ஔலைச்சுவடிகள் மூலம் ஆராய்ந்து நாடிஜோதிடர்கள் பலன்களைக் கூறி வருகின்றனர்.

இந்த நாடியில் அகத்தியர் நாடி, சுகர் நாடி, பிருகு நாடி, காக புஜண்டர் நாடி, சிவவாக்கியர் நாடி, நந்தி நாடி, வசிஷ்டர் நாடி, கெளசிகர் நாடி, சிவநாடி, விசுவாமித்திரர் நாடி, திருமூலர் நாடி, சுகர் மார்க்கேண்டயர் நாடி, அத்திரி நாடி, சப்த ரிஷி நாடி என்று பலவகை நாடிகள் காணக் கிடைக்கின்றன.

உண்மையில் நாடி என்பது என்ன?

நாடிஜோதிட ஓலைச்சுவடிகள்

இன்னின்ன கைப்பெருவிரல் ரேகை அமைப்பினை உடையவர்களின் எதிர்காலம் இவ்வாறு தான் இருக்கும் என்பதனை, சில நுணுக்கமான கணிதமுறைகள் மூலம் அக்கால முனிவர்கள் ஆராய்ந்து, அக்குறிப்புகளை ஓலைச் சுவடிகளில் எழுதி வைத்தனர் என்றும், அதுவே இன்று தலைதலைமுறையாகப் பாதுகாக்கப்பட்டு நமக்குக் கிடைத்துள்ளது என்றும் நாடி ஜோதிடர்கள் கூறுகின்றனர்.

நாடி ஜோதிடம் – காண்டம் பற்றிய விவரங்கள்

பொதுவாக நாடியில் மொத்தம் பன்னிரண்டு காண்டங்கள் உள்ளன. அவற்றின் மூலம் நமது எதிர்காலப் பலன்களை துல்லியமாக அறிந்து கொள்ளலாம் என்று கூறப்படுகிறது. ஆனால் அவற்றை அறிய, முதலில், முதல் காண்டமான பொதுக்காண்டத்தினைப் பார்க்க வேண்டும் என்றும், அதில் ஒருவரைப் பற்றிய பொதுவான செய்திகள் காணப்படும் என்றும் கூறப்படுகிறது. அதாவது ஒருவரது பெயர், தொழில், மற்றும் குடும்ப விபரங்கள் போன்ற பொதுவான விஷயங்கள் பொதுக் காண்டத்தில் காணப்படும். திருமணம், குழந்தைகள், கல்வி, வேலைவாய்ப்பு, தொழில், வழிபாடு போன்ற விரிவான பலன்களை அறிய அததற்கென உள்ள தனித்தனிக் காண்டங்களைப் பார்க்கவேண்டும் என்று வலியுறுத்தப்படுகிறது.

ஒரு மனிதனின் பிறப்பு முதல் ஆயுள் வரையிலான பொதுவான பலன்களை பொதுக் காண்டத்தின் மூலம் அறிந்து கொள்ளலாம். அதாவது ஜாதகர் பெயர், பெற்றோர் பெயர், சகோதரர்கள் விபரம், தொழில், திருமணம், நோய், கடன், பயணங்கள், சொத்து சேர்க்கை, எதிரிகள் தொல்லை போன்ற பொதுவான தகவல்கள் அதில் காணப்படும். இரண்டாவது காண்டம் மூலம் பணம், தவ வரவு, வாக்கு வன்மை, வாக்குப் பலிதம், கண் சம்பந்தமான நோய்கள் பற்றி அறிந்து கொள்ளலாம். மூன்றாவது காண்டம் சகோதரர் உதவி, ஜாதகரின் தைரியம், வீரம், வலிமை வெற்றி பற்றிக் கூறும். நான்காவது காண்டம் தாயாரின் உடல் நலம் பற்றிக் கூறும். ஐந்தாவது காண்டம் மூலம் பூர்வ புண்ணியம்பற்றி, புத்திரன் பற்றி அறிந்து கொள்ளலாம்.

ஆறாவது காண்டம் ருணம், நோய், கடன் பற்றியும், ஏழாவது களத்திரம் பற்றியும், எட்டாவது ஆயுள், கூட்டு பற்றியும், ஒன்பதாவது காண்டம் தெய்வ அருள், கர்மச் செயல்கள் பற்றியும் கூறும். மேலும் தந்தை நலம், செல்வம், யோகம், ஆலய தரிசனம், குரு உபதேசம், இறைப் பணி பற்றியும் அதன் மூலம் அறிந்து கொள்ளலாம். பத்தாவது காண்டம் வேல, தொழில் பற்றியும், பதினோராவது காண்டம் லாபம் பற்றியும், பனிரெண்டாவது காண்டம் மறுபிறவி, வெளிநாட்டு யோகம், அதனால் ஏற்படும் நன்மை, தீமைகள், அரசாங்கத் தொடர்புகள் பற்றி விளக்குவதாகும்.

இதுதவிர சாந்தி காண்டம், தீட்சை காண்டம், ஔஷத காண்டம், எல்லைக் காண்டம், அரசியல் காண்டம், பிரச்சன்ன காண்டம், மந்திர காண்டம், துல்லிய காண்டம், தசாபுக்தி காண்டம் என பல காண்டங்கள் உள்ளதாக நாடி ஜோதிடர்கள் கூறுகின்றனர்.

சரி, நாடி ஜோதிடம் எப்படிப் பார்க்கிறார்கள்?…

சுவடிக் கட்டு

நாடி ஜோதிடர்கள், தங்கள் நிலையத்தினை நாடி வரும் நபர்களுடைய கைப் பெருவிரல் ரேகையினை (ஆண் என்றால் வலது கைப்பெரு விரல் ரேகை. பெண்ணாக இருப்பின் இடது கைப்பெரு விரல் ரேகை), முதலில் ஒரு தாளில் பதிந்து கொள்கிறார்கள். பின்னர் அதற்கான ஓலையைத் தேடி எடுக்கின்றனர். ஓலை உடனே கிடைத்து விடும். சிலருக்கு ஓரிரு நாள் ஆகலாம். சிலருக்கு ஓலை கையிருப்பில் இல்லை என்றால் வேறு நிலையத்திலிருந்து தான் தேடி எடுக்க வேண்டும் என்பதால் ஓரிரு மாதங்கள் கூட ஆகலாம்.

சுவடி கிடைத்ததும் அது அந்நபருக்குரிய ஓலை தானா என்பதனை அறிய நாடிஜோதிடர் வந்திருப்பவரிடம் பல கேள்விகளைக் கேட்பார். அதற்கு ஜோதிடம் பார்ப்பவர் ’ஆம்’, அல்லது ’இல்லை’ என்று மட்டும் பதில் கூறினால் போதுமாம்.

பொதுவாக கீழ்கண்டது போன்று கேள்விகள் அமைகின்றன.

உங்களுக்குத் திருமணம் ஆகி விட்டதா?

உங்களுக்குக் காதல் திருமணமா?

முதல் குழந்தை பெண்தானா?

தந்தையின் பெயர் சிவனைக் குறிப்பதாக இருக்குமா?

மனைவி/ கணவனின் பெயரில் மலரின் பெயர் வருமா?

இவை பொதுவான கேள்விகள் மட்டுமே. ஆளுக்கு ஆள், ஓலைக்கு ஓலை இவ்வகைக் கேள்விகள் மாறுபடலாம் என்றும் கூறுகின்றனர். மேலும் இத்தகைய கேள்விகள் மூலம் சரியான மூல ஓலையைக் கண்டறிந்து அதன் மூலம் விரிவான பலன்களைத் தங்களால் கூற முடிவதாக ஜோதிடர்கள் தெரிவிக்கின்றனர்.

ஆமாம், எப்படிப் பலன்கள் கூறுகின்றனர்?

நம்மைப் பற்றி, நம் குடும்பம், வாழ்க்கை முறை, பெயர் என்று எல்லாவற்றையும் எத்தனையோ ஆண்டுகளுக்கு முன்னால் வாழ்ந்த முனிவர்கள் ஓலைச்சுவடிகளில் எழுதி வைத்திருக்கிறார்கள் என்பது உண்மைதானா? அதற்கு ஆதாரம்….???

தொடரும்....

Thanks

சித்தர்கள் உலகின் முதல் விஞ்ஞானிகள்

ஜெயித்தவர்களிடம் அப்படி என்னதான் இருக்கிறது?

3/19/2014 09:42:00 AM

சாதிக்க வேண்டும் என்ற சபதம் இருக்கிறது

வாழ்ந்து காட்ட வேண்டும் என்ற வைராக்கியம் இருக்கிறது

வென்று காட்ட வேண்டும் என்ற வீம்பு இருக்கிறது

அடைவதற்கு என்று ஒரு லட்சியம் இருக்கிறது

அந்த லட்சியத்தில் ஒரு தீவிரம் இருக்கிறது

வாய்ப்பு எங்கே எங்கே என்று தேடுகின்ற தாகம் இருக்கிறது

வாய்ப்பு வரவில்லை என்றால் அதை உருவாக்கும் திறமை இருக்கிறது

உணவு, உறக்கம் இவற்றைக்கூட ஒதுக்கி வைக்கும் உழைப்பு இருக்கிறது

தடை, தாமதம், தோல்வி எது வந்தாலும் சமாளிக்கும் தாராள மனம் இருக்கிறது

அடிமேல் அடிபட்டாலும் அடுத்த அடியை எடுத்து வைக்கும் துணிச்சல் இருக்கிறது

தங்கள் தகுதிக்கும், திறமைக்கும் சரியான தீனி எங்கே எங்கே என்கிற தேடல் இருக்கிறது

சூழ்நிலைக்குத் தகுந்தபடி அனுசரித்துப்போகும் அடக்கம் இருக்கிறது

விமர்சனத்தைச் சரியான விதத்தில் எடுத்துக்கொள்ளும் விவேகம் இருக்கிறது

அறிவு, ஆற்றல், ஆதரவுகள் அனைத்தையும் முழுமையாகப் பயன்படுத்திக்கொள்ளும் மூளை இருக்கிறது

குறிக்கோள் நோக்கிய வேலைகளுக்கு மட்டுமே நேரத்தை அதிகமாய் ஒதுக்கும் அக்கறை இருக்கிறது

கடமைகள் காத்துக் கிடக்க, பொழுதுபோக்குகளில் புத்தியை செலுத்தாத பொறுப்பு இருக்கிறது

நேற்றைவிட இன்று எவ்வளவு வளர்ந்தோம் எனஅளந்து அறியும் ஆர்வம் இருக்கிறது

அத்தனைக்கும் அடிப்படையாய் அசைக்க முடியாத
தன்னம்பிக்கை இருக்கிறது.

Paderewski உண்மை நிகழ்வு

2/23/2014 07:20:00 PM

1892 ஆம் வருடம் ஸ்டாண்ட்ஃபோர்ட் பல்கலைகழகத்தில் ஒரு அனாதை மாணவன் கல்லூரிக்கு பணம் கட்ட முடியாமல் தவித்து கொண்டு இருந்தான்.தன் நண்பன் ஒருவனுடன் இணைந்து ஒரு இசை நிகழ்ச்சி நடத்தி அதில் இருந்து வரும் பணத்தை வைத்து கல்லூரிக்கு பணம் கட்டலாம் என முடிவெடுத்தான்.

J. Paderewski என்னும் பியானோ கலைஞரை வைத்து நிகழ்ச்சி நடத்தலாம் என்று அவர் மேனேஜரை சந்தித்தனர்.அவர் 2000 டாலர்கள் கொடுத்தால் நிகழ்ச்சிக்கு ஏற்பாடு செய்யலாம் என்றார்.இவர்கள் இருவரும் ஒத்துக் கொண்டனர்.

இசை நிகழ்ச்சி நடத்தும் நாள் வந்து விட்டது,ஆனால் இவர்களால் 1600 டாலர்களுக்கு மட்டுமே டிக்கெட் விற்க முடிந்தது. Paderewski யிடம் வசூல் பண்ண 1600 டாலர் பணத்தை கொடுத்து விட்டு மீதி 400 டாலருக்கு செக் கொடுத்தனர்.அடுத்த வாரம் இந்த செக் மூலம் பணம் எடுத்து கொள்ளுங்கள் அதற்குள் நாங்கள் வங்கியில் பணத்தை செலுத்தி விடுகிறோம் என்றனர்.

Paderewski இதை நான் ஒத்து கொள்ள முடியாது என்று கூறி செக்கை கிழித்து எறிந்தார்.1600 டாலர் பணத்தையும் அவர்களிடமே திருப்பி குடுத்து விட்டு உங்கள் கல்லூரி கட்டணத்தை இதை வைத்து கட்டுங்கள் என்றார்.இலவசமாகவே அவர்களுக்காக அந்த நிகழ்ச்சியை நடத்தி கொடுத்தார்.

அறிமுகமே இல்லாத இரண்டு கல்லூரி மாணவர்களின் படிப்பிற்காக பண உதவி செய்த அற்புதமான மனிதர் Paderewski சில வருடங்களில் போலாந்து நாட்டு பிரதம மந்திரி ஆனார்.

அற்புதமாக அவர் ஆட்சி செய்து கொண்டு இருக்கும் போது உலக போர் ஆரம்பமானது.உலக போரில் போலாந்து நாடு கடுமையாக பாதிக்கப்பட்டது.1.5 மில்லியன் மக்கள் உணவு இல்லாமல் கஷ்டப்பட்டனர், போலாந்து நாடும் கடுமையான நிதி நெருக்கடியில் தவித்து கொண்டு இருந்தது. Paderewski அமெரிக்காவின் உணவு மற்றும் துயர் தடுப்பு குழுவிடம் உதவி கேட்கலாம் என்று முடிவெடுத்தார்.

Herbert Hoover என்பவர் தான் உணவு மற்றும் துயர் தடுப்பு குழுவின் தலைமை அதிகாரியாக இருந்தார்,பின்னாளில் அவர் அமெரிக்காவின் பிரெஸிடெண்டாக இருந்தார். Paderewski உதவி கேட்டுள்ளார் என்று தெரிந்தவுடன் டண் கணக்கில் உணவு தாணியங்களை கப்பலில் ஏற்றி போலாந்து நாட்டுக்கு அனுப்பினார்.

போலந்து சகஜ நிலைமைக்கு திரும்பியதும் Paderewski , Herbert Hoover க்கு நன்றி சொல்ல அமெரிக்கவுக்கு புறப்பட்டார்.

Paderewski நன்றி சொல்ல வாயெடுத்த போது நில்லுங்கள் பிரதம மந்திரி அவர்களே நீங்கள் நன்றி சொல்ல வேண்டிய அவசியமில்லை.நீங்கள் செய்த உதவியை விட நான் பெரிதாக ஒன்றும் செய்துவிடவில்லை.

கல்லூரிக்கு பணம் கட்ட முடியாமல் தவித்த இரண்டு இளைஞர்களுக்கு உதவி செய்தீர்களே அதில் ஒருவன் தான் நான்.அன்று நீங்கள் செய்த உதவியால் தான் நான் இந்த நிலைக்கு வந்துள்ளேன் என்றார்.

அறிமுகம் இல்லாத ஒருவருக்கு செய்த உதவியால் ஒரு நாட்டுக்கே உணவு கிடைத்தது.

இந்த உலகம் ஒரு அற்புதமான படைப்பு.எதை நாம் மற்றவர்களுக்கு செய்கிறோமோ அதுவே நமக்கும் நடக்கும்.